Artigo no Faro da Escola

Dous dos nosos alumnos, presentan aos seus compañeiros/as da clase de sexto o Proxecto coa axuda das publicacións que levamos realizadas no blog ata o momento. Os alumnos encantados con este traballo deciden adicarlle a este proxecto e o fabuloso traballo realizado polos seus compañeiros un artigo no Faro da Escola, que se publicará no mes de xuño.

Mural "Protexe os animais"

Como resultado de todo o traballo realizado durante o curso en torno ao Proxecto, elaboramos este marabilloso mural no que se reflicte o aprendido sobre os animais e as mascotas en particular.

    

Conto "Sapoconcho"

Conto con pictogramas "Sapoconcho". Este especial conto foi creado íntegramente, tanto o texto coma os debuxos, polo alumnado da aula de Educación Especial.

Con esta creación pódese apreciar a aprendizaxe adquirida durante este curso en torno ao Proxecto "Protexe aos animais" ademais de pasalo fenomenal durante a elaboración das diferentes fases do conto.

Xogos sobre animais

Na aula de Educación Especial só hai unha cousa que nos gusta máis que aprender e é XOGAR APRENDENDO. 

A continuación realizamos unha recompilación de xogos que nos axudan a saber máis dos animais dun xeito lúdico.    

Libro concurso "Letras Galegas"

No Colexio, cada ano no mes de maio, o Equipo de Normalización, organiza un concurso de relatos curtos no que participa todo o alumnado en distintas categorías. 

Os alumnos e alumnas da Aula de Ed. Especial xa teñen rematados os seus, este ano como non, adicados á mascota Sapoconcho. 

Un xurado formado polo EDNL do Colexio, determinará o/a gañador/a o Día das Letras Galegas. 

Na aula, expuseron as súas divertidas e entretidas historias ós seus compañeiros/as e puidemos admirar as bonitas ilustracións de cada un dos contos.

O gañador deste ano foi Darío Fontán. Parabéns!

 

Visita da Protectora de Animais do Morrazo

 A protectora de Animais do Morrazo é unha asociación que ten como obxectivo encontrar fogar a animais que foron abandoados ou maltratados.

Este curso os/as alumnos/as do Colexio Compañía de María reunimos cartos para apadriñar catro preciosos canciños: Gym, Swaiper, Laki e Ina. 

Os/as alumnos/as de Educación Especial coñeceron, grazas a unha presentación pictografiada, a súa importante labor así como os coidados e necesidades dos cans. 

Despois tivemos a visita de persoal da Protectora xunto coa da Policía Local. 

Tamén tivemos a oportunidade de coñecer a Leo, un precioso canciño o cal cautivou os nosos alumnos que xa están desexando poder visitar a protectora para poder acompañar nos rutinarios paseos ós cans que acolle esta fabulosa e necesaria Asociación.

Grazas pola vosa marabillosa labor! 

Recoñecemos animais de granxa

Grazas a todo o traballo que estamos a realizar este curso en torno aos animais, os nosos alumnos e alumnas coñecen moi ben a diferenza entre animais salvaxes e domésticos, pero para reforzar esta aprendizaxe un fabuloso vídeo que lles axuda a recoñecer animais de granxa.